Во студијата, објавена во американскиот магазин „Cancer research“ се вели дека лабораториските тестови покажале дека метадонот ги убива ќелиите на леукемијата, притоа не нанесувајќи никаква штета на здравите крвни клетки.

Доктор Клаудија Фризен, која го предводела научниот тим, тврди дела метадонот се покажал како делотворен и при уништување на ќелиите на леукемијата кои се отпорни на хемотерапија и зрачење.

„Изненадени сме од откритието дека метадонот ги уништува ќелиите на леукемијата. Не очекувавме такво нешто“, вели доктор Фризен.

Германските научници изразија надеж дека резултатите може да претставуваат темел за воспоставување на нова стратегија за користење на метадонот и тоа како додатно средство при лекување на леукемијата, посебно во случаи каде конвенционалната терапија се покажува како помалку ефикасна.

(Д.Т)