|
 |
Здравје / Медицина
|
|
Ќе заборавиме ли на Алцхајмеровата болест?
 Германските научници успејаа да го сопрат развојот на Алцхајмеровата болест кај експерименталните глувци. Како го постигнаа ова и дали истиот метод може да се употреби и кај луѓето?
Со помош на еден нов, експериментален активен агенс, германските научници успејаа да го сопрат развојот на Алцхајмеровата болест кај лабораториските глувци. Во 80% од случаите, средството го спречило вообичаеното таложење на белковини во мозокот, што се смета за главен причинител за болеста. Меѓутоа, дали средството може да се искористи и за создавање лек за луѓето, останува да се докаже во наредниве неколку години, откако ќе се спроведат подетални анализи.
Алцхајмеровата болест настанува кога одреден вид на белковини почнуваат да се таложат врз мозочните клетки. Истражувачите од фирмата „Пробиодраг“ открија еден ензим во мозокот на експерименталните животни, што, всушност, е одговорен за таложењето на белковините. Со помош на експерименталниот агенс, научниците успеале да го „блокираат“ овој ензим и на тој начин драстично се намалило создавањето на белковински талози во мозокот.
Научниците во ова откритие гледаат можно решение во борбата против Алцхајмеровата деменција, болест од која само во Германија страдаат 600.000, претежно постари лица. Сега засега, се` уште не е испитано кои придружни ефекти би можел да ги има новиот лек, иако експерименталните животни без проблем го поднесувале 10 месеци. Освен подобрена функционалност на мозокот, не покажале никакви други промени.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|