Температурата после рутинското вакцинирање на бебињата не треба да се симнува со парацетамол, бидејќи се намалува ефектот на вакцината, тврдат чешките експерти.
Иако во принцип ја ограничува треската после вакцинирањето, парацетамолот го намалува и имунолошкиот одговор на организмот на детето на некои антигени од вакцината. Од овие причини, експертите велат дека антипиретиците не би требало да рутински да се препорачуваат во вакви случаи, без притоа внимателно да се одмери ползата и ризикот.
Ваквите тврдења се базираат врз проучување на 260 бебиња, кои минале низ рутинско вакцинирање. Во првите 24 часа по примањето на вакцината, половина од бебињата на шест до осум часа добивала три дози парацетамол, додека другата не.
Врз основа на концентрација на антителата, утврдено е дека кај децата од првата група е намален ефектот од вакцината против хемофилична инфлуенца тип Б, тетанус и пнеумокока.
Причините сè уште не се познати, но експертите претпоставуваат дека тоа е поради особината на лекот да ги спречува воспалителните процеси.