Новото истражување спроведено во САД за вирусот H1N1 покажува дека старите луѓе не се имуни на таа болест. Истражувањето во Калифорнија покажа дека општото мислење дека постарите луѓе имаат некоја заштита од вирусот H1N1 e само делумно точно.
Во студијата, објавена во магазинот на Американското медицинско здружение се наведува дека вирусот може да погоди било кој, вклучувајќи ги и старите, особено оние со хронични болести.
Докторката Џенис Луи која го предводеше ова истражување во кое биле вклучени повеќе од илјада пациенти сместени во болница во период од април до август изјави:
- Една од најважните пораки од оваа студија е дека инфекцијата H1N1 може да биде сериозно заболување па дури и ако ги немате факторите за ризик. И здравите луѓе може да заболат и да завршат во болница. До сега постоеше верување дека старите луѓе не можат да заболат од оваа болест бидејќи до сега сите пациенти се помлади. Сепак, со истражувањето се докажа дека секој може да заболи од грипот, изјави Џенис.