Светот се израдува од мошне необична вест која сугерира дека научниците пронашле начин да се забави, односно да се одложи стареењето и тоа со една таблета metformin. Оваа таблета моментално се користи за лекување на дијабетес тип 2, а научниците сметаат дека магичната пилула може да спречи рак, срцева болест, па дури и когнитивна дегенерација.
Таблетата постои на пазарот веќе со години и се користи за проблеми поврзани со инсулинска резистенција и со шеќерна болест, а моментално ќе започне и ново истражување кое ќе испитува дали навистина го спречува стареењето. Ова истражување ќе се спроведува врз 3000 луѓе на возраст од 70 до 80 години.
Истражувањето ќе трае седум години и ќе чини околу 50 милиони долари. Секако, таблетата нема во целост да го одложи или спречи стареењето, но би можела да ги намали негативните ефекти, а со тоа луѓето да функционираат понормално во секојдневниот живот.