Пациентите кои патат од рак на белите дробови ќе може да се лекуваат многу побрзо. Тие имаат можност да го примаат лекот во вид на вакцина на секои две недели, при што лекот nivolumab ќе го научи имунолошкиот систем да ги напаѓа канцерогените клетки.
Резултатите од досегашните анализи покажуваат дека ефектот од овој лек продолжува да трае и по неколку години откако пациентот престанал да го прими лекот. Експертите создале таква имунотерапија, што може да се нарече и нова ера во борбата против канцерот. Првичните резултати покажуваат дека оваа вакцина ќе ги дуплира стапките на пациенти кои ја добиле борбата со ракот.
Од денес, докторите ќе може бесплатно да им понудат на пациентите вакцина, со што операцијата веќе не е потребна. Сите трошоци ги сносат произведувачите, сè додека лекот формално не се лиценцира. Ова значи дека тестирањето се уште трае, но досегашните резултати се покажале мошне охрабрувачки. Во истражувањето учествуваат 272 пациенти од кои 42% што примале nivolumab преживеале, во споредба со оние 24% кои не примале вакцина, туку стандардната хемотерапија.
Ракот на белите дробови е еден од најсмртоносните канцери, од кои преживуваат само 5% од пациентите. Исто така, овој рак е и втор рак на листата на најчести ракови, со 43.000 нови случаи секоја година во светот.