Постојано слушаме колку целодневното седење во столче на долг рок е штетно за нашето тело, па веста дека негативниот ефект лесно може да се избегне со малку пешачење е навистина добредојдена.
Новата студија на Универзитетот од Мисури покажува дека васкуларните функции може да бидат нарушени доколку подолго време поминувате во седната позиција, но исто така и дека повторно може да се вратат во форма благодарение на кратките прошетки.
-Лесно и е да и се препуштиме на работата и да заборавиме колку време седиме. Сепак, нашата студија покажува дека ако седите 6 или 8 часа дотокот на крв во вашите нозе се намалува. За среќа 10 минути пешачење по долго седење ги поништува негативните ефекти од седењето, вели Јауме Падила асистент професор на Универзитетот од Мисури.
Доколку имате можност наместо да си одите дома со автомобил или друг превоз одете пешки или пак паузата за ручек искористете ја за мала прошетка што ќе биде корисна за вашите нозе.