Неодамнешно спроведено истражување откри дека личностите кои имаат деменција исто така имаат и изопачена смисла за хумор. Научниците тврдат дека многу чудниот хумор може да биде ран знак за појава на оваа болест.
Д-р Камила Кларк регрутирала 48 пациенти со деменција, а фамилиите и пријателите на пациентите ги замолиле да го оценуваат нивното уживање во различни видови на комедија. Меѓу комедиите, се нашле филмовите за Мистер Бин, Монти Пајтон, но и оние со неприкладен хумор.
По завршувањето на анализите, д-р Камила открила дека пациентите кои боледуваат од Алцхајмерова болест повеќе сакаат урнебесни комедии од сатирични. Речиси сите испрашани пријатели и членови на фамилијата на пациентите рекле дека во претходните девет години забележале промена во хуморот на пациентот.
Промените вклучувале црн хумор како и смеење при слушање на трагични вести. Иако губењето на помнењето е прв симптом кога помислуваме на зборот деменција, оваа студија ја нагласува важноста и на другите симптоми кои влијаат врз секојдневниот живот на луѓето.