Лекарите на клиниката во Кливленд, ги започнале подготовките за првата трансплантација на матка во САД, која би требало да се заврши за пет месеци. Според New York Times, моментално осум здрави, неплодни жени низ САД посетуваат прегледи за постоечките оперативни зафати на пресадување матки превземени од починати жени.
На пациентките ќе им биде дозволено да раѓаат најмногу две деца, а потоа матката ќе биде отстранета од нивното тело и веќе нема да има потреба од зеамање наимуносупресиви, лекови кои спречуваат одбивање на пресадени органи. Шведска е единствената земја во која до сега биле изведени операции од овој вид. Од девет бремености, колку што имало до сега, успешно се завршени четири.
Главната причина поради која хирурзите се двоумат да вршат оперативни зафати од овој вид е изложувањето на фетусот на јаки лекови, кои може негативно да се одразат врз неговиот развој.