Хроничната опструктивна белодробна болест е сè почеста појава во светот, која веќе се најде на третото место за болести кои земаат најмногу жртви. Најчесто ги погодува пушачите, па докторите советуваат да се оди на редовни прегледи.
Токму таков пример е Иван, кој долго време кашлал, мислејќи дека се работи за бронхитис. Но, едно лето, додека бил на море, му се слошило.
- Кога испливав малку подалеку, забележав недостаток од воздух. За малку кобно ќе завршев, изјавил пациентот кој боледува од оваа болест.
Потоа отишол на преглед по кој се воспоставило дека боледува од хроничната болест.
- Дишете, но нема ефект. Ништо, едноставно ви се врти. Навечер се приклучувам на респиратор за да спијам. Нормално јадам и пијам. Се трудам да не мислам на тоа, можеби така е најдобро, смета Иван.
Погледнете ги следните прашања и доколку потврдно одговорете на барем 3 прашања, тогаш веднаш мора да се обратите на вашиот лекар:
- Кашлате ли неколку пати во текот на денот?
- Се искашлувате ли?
- Имате ли над 40 години?
- Одговара ли вашата кондиција за вашата возраст?
- Дали сте сегашен или поранешен пушач?
- Ова е една од најтешките хронични болести, која дури и кога ќе се открие не може да се излечи, туку се држи под контрола со помош на лекови и физикална терапија, вели д-р Алма Рожман, од загрепската поликлиника за болести на дишниот состав.