Тим од неврохирурзи и инженери од Washington University School of Medicine и University of Illinois развиле безжичен биоразградлив сензор кој може да се инплантира во телото, за по некој период да биде апсорбиран во него.
Голем дел од сегашните инпланти (од било кој вид) често пати предизвикуваат имунолошка реакција во организмот кој пробува да ги отфрли, што може да биде исклучително проблематично за пациентите – тоа може да биде инфекција, хронично воспаление па дури и ерозија низ кожата или органот во кој што се вградени.
Кај пациентите кои имаат претрпено ваква траума (дали преку физичка повреда, мозочен удар и сл.) исклучително е важно редовно и прецизно да се мери интракранијалниот притисок во черепот, бидејќи секое негово зголемување доведува до поголема повреда на мозокот.
Уредите кои денес се користат за ова се базирани на технологија од 80-тите, што значи дека се гломазни и тешки за пренесување, и имаат голем број на жици и монитори кои треба постојано да се поврзани со пациентот.
Овој нов вид на инплант (помалечок од зрно ориз) треба да ги замени ваквите уреди со тоа што ќе се вградува директно во мозокот (на неколку локации), и безжично ќе испраќа податоци за неговата состојба до докторите. Тој е биоразградлив, што значи дека по одреден период самиот се разградува и телото го апсорбира, со што се елиминира и потребата од повторна хируршка интервенција за да се извади.
Уредот е направен претежно од PLGA (Polylactic-co-glycolic acid) и силикон, и докажано функционира (пренесувајќи критични податоци од мозокот) кај субјектите врз кои што е тестиран, т.е кај лабораториски глувци.
Нареден чекор е тестирање врз човечки пациенти, за што веќе се започнати планови.