Тим научници од University of California успеале да пренесат лек директно во стомачното ткиво на жив организам, користејќи микро-моторизирани наноботи
Тестот бил направен врз жив глушец, а биле искористени тубуларни микро-моторизирани наноботи со должина од 20 микрометри (0.02mm) и дијаметар од 5 микрометри ( 0.005mm) обложени со цинк, чие движење било поттикнато од меури од гас (водород) кој се создавал како реакција помеѓу цинкот и хлороводородната киселина во дигестивниот систем и кои ги туркале наноботите како минијатурни ракети.
Наноботите патувале со брзини до 60 микрометри (0.06mm) во секунда, и се „вгнездувале“ самите во стомачните ѕидови каде што останувале по 12 часа.
Откога после експериментот стомакот на глушецот бил отворен и испитан, се дошло до заклучок дека присуството на наноботите не го оштетило ткивото, ниту пак ги подигнало нивоата на токсичност во организмот (што и се претпоставувало, имајќи в предвид дека цинкот има повеќенаменски нутритивни вредности)
Претходно тестирани врз органски ткива (на пример, за уништување на Hepatitis C вирусот, уште во 2012-та год), ова е првпат наноботи да се тестирани во жив организам и тоа со огромен успех. Ова ги поттикнало тимот на научници да продолжи со истражување на оваа технологија со цел истата да се употребува кај луѓе.
Нормално, како што е случај со сите медицински откритија, третманите мора да поминат ригорозни тестови за да добијат одобрување од FDA (Food and Drug Administration) пред воопшто да почне апликацијата и тестирањето врз луѓе.