Капа што ќе ја зачува косата за време на хемотерапија

Еден од проблемите кои се јавуваат при процесот на лекување на ракот со хемотерапија, несомнено е губењето на косата.

Па така пациентите, освен тоа што се изнемоштени од терапијата, на некој начин се одбележани и мораат да носат перики за да го затскријат опаѓањето на косата.

Решението за овој проблем се третманите за разладување во облик на капа за главата, што го ладат мозокот за време на терапијата и оневозможуваат да дојде до опаѓање на косата.

Лековите кои се употребуваат во хемотерапијата ги оштетуваат клетките на косата, а разладувањето на скалпот е докажана техника за намалување на губењето на косата. Намалувањето на температурата на мозокот со помош на капата резултира со намален проток на крв во мозокот и забавен клеточен метаболизам во клетките на косата. На овој начин тие не се изложени на целата доза од лековите и косата не опаѓа.