Медицинските истражувања кои ги направи тимот предводен од доктор Ракеш Џаин од лабараторијата за тумор и биологија на одделот за онкологија во Бостон, откри дека дебелината предизвикува побрза прогресија на ракот на панкреас и на гради.
Откритието кое се верува дека ќе биде полезно за превентива и третман на овие видови на рак, може да помогне и при истражување на други видови на рак.
-Фактот дека механизмот кој го има самата дебелина кај дел од индивидуите и како тој влијае за развој на овие видови на рак ќе ни помогне да разбереме како туморите се развиваат и кај другите видови на рак, објави Џаин во неговиот извештај по завршување на самото истражување.
Повеќе од половина од испитаните лица болни од овие два вида на рак биле со прекумерна тежина, но за сега точната причина за појавата на ракот е непозната за тимот на доктор Џаин.
При експериментот со примероците на ќелиите со рак на лабораториските глувци пак, била исто така откриена асоцијација помеѓу дебелината и големите нивоа на протеинот наречен placental growth factor (PlGF).
Било утврдено дека тој протеин го „заслепува“ рецепторот VEGFR-1 и така се создава развој на туморот. VEGFR-1 потоа има негативен ефект кој влијае на имуните ќелии во туморите.
Кога тимот го блокирал VEGFR-1 рецепторот, забележал промена на прогресијата на туморите кај глувците со рак на панкреас и на гради. Сепак, истиот исход не бил забележан и кај глувците кои биле со нормална тежина.
Резултатите од истражувањето може да се најдат во журналот за клиничко истражување на ракот кој го издава болницата.