Хистеректомија, односно отстранување на матката е една од најчестите хирушки процедури врз жените.
Постојат два типа на хистеректомија. Делумна во која се отстранува само матката и целосна во која се отстрануваат и останатите репродуктивни органи како јајниците, јајцеводите, цервиксот.
Според доктор Харви Вард, гиникологот и акушер од САД, причините за самата операција се повеќе: рак, ендометриоза и останати болести, но тој за Healthy Living изјави дека најчестото прашање кое пациентките го прашуваат по неа, е како самата процедура ќе влијае врз нивниот сексуален живот.
Тоа прашање според докторот Вард е толку често поради стравот кај жените дека со отстранувањето на органите ќе се намали и женственоста кај нив, а голем дел од прашањата се поврзани за тоа дали ќе чуствувават болка за време на сексуалниот чин по хистеректомијата.
Според него влијанието врз сексуалниот живот по операцијата зависи од типот на зафатот кој е направен. Ако ви се отстранети и јајниците заедно со матката можни се промени во желбата за секс. Зголемена или намалена. Тоа е затоа што јајниците произведуваат хормони како тестостерон и естроген кои се важни при желбата за секс. Губењето на овие хормони би можел да го направи и самиот чин поболен кај жените.
Голем број на доктори советуваат првиот сексуалниот чин по хистеректомијата да биде 6-8 недели по самата операција, но тој временски период варира кај секоја жена индивидуално. На дел од жените им е потребно повеќе од тоа да можат да имаат секс по операцијата, што е исто така нормално.
Доста од жените искусиле и екстремно намалено либидо, а и не успеваат да достигнат оргазам, објасни Вард за дел од проблемите со кои се соочуваат жените по хистеректомијата.