Тим на британски лекари соопшти дека пронашол нова две компонента терапија што го уништува ракот на градите за мошне краток период. Тие се изненадени од ефектите на терапијата и веруваат дека истата ќе спаси илјадници жени од хемотерапија.
Лекарите ја спровеле новата метода на лечење врз жени кај кои била дијагностицирана агресивна форма на рак на градите. Во 87 проценти од случаите пациентите реагирале на лековите и ракот престанал да се распространува по телото. Во 11 отсто од случаите канцерот целосно се повлекол, додека во 17 отсто значително се намалил.
Лекарите ги комбинирале веќе постоечките лекови Tyverb и Herceptin и им ги давале на пациентите веднаш штом им била дијагностицирана болеста. Целта им била да се намалат туморите пред предвидените операции, но кога се обиделе да го отстранат ракот сфатиле дека во некои случаи истиот е целосно повлечен.
-Досега не сме слушнале големи тумори да исчезнат за 11 дена. Ова се неверојатни резултати, вели професорот Најџел Бундред, водач на истражувањето.
Лекарите ќе го повторат лечењето со оваа метода со цел да ги потврдат резултатите од првата студија во која беа инволвирани 257 жени заболени од рак.