Пациентите со епилепсија патат од изненадни напади кои можат да предизвикаат повреди па дури и смрт од SUDEP ( ненадејна, неочекувана смрт од епилепсија), состојба која трае неколку минути.
Компанијата Empatica чиј коосновач Rosalind Picard, која е професорка од MIT е една од пионерките за технологија која се носи, разви нараквица со медицински квалитети под името Embrace.
Оваа нараквица ги следи сигналите на тресење и другите витални знаци за да детектира потенцијално опасни напади и да го извести корисниците да можат на време да интервенираат.
Научниците ширум светот веќе ја користат истражувачката верзија на нараквицата од компанијата Empatica под називот Е4, која воедно мери и други сигнали за да ја проучува епилепсијата и другите невролошки пореметувања.
Повеќе спроведени студии укажале на тоа дека со комбинација на мерења на електродермални активности, односно спроводноста на кожата и податоците за движење кои ги собира нараквицата можат значително да ја зголемат прецизноста во откривање на нападите.
Освен за детектирање на епилептични напади, оваа нараквица може да им биде на сите корисна за следење на нивото на стрес, што според мислење на креаторката е важно за доброто здравје.