Научници од MIT, Massachusetts General Hospital, Living Proof и Olivo Labs, после 10 годишно развивање, успеале да создадат еден вид на „втора кожа“ – скоро комплетно незабележлив слој од материјал кој ја заштитува и затега кожата врз која е аплициран.
Овој материјал има способност да го подмладува изгледот на кожата, да ја хидрира, заштитува од UV зрачење како и да внесува лекови преку неа. Сите овие карактеристики го прават идеален за користење во медицински апликации, но и во индустријата за убавина (мода, шминки и сл.).
Целта била да се создаде практично невидлив, но воедно и комфорен материјал, поради што се креирале над 100 разни полимери кои ја содржат хемиската структура силоксан, која е составена од синџири на атоми на силикон и кислород. Запазување на структурата била од исклучителна важност, бидејќи требало да им дозволува на полимерите да се спојат во попречно поврзани полимерски слоеви со цел што поверодостојно да се имитира здравата, вистинска кожа - не само во поглед на изгледот (оптичките својства морале да се скоро идентични), туку и на еластичноста и силината.
Финалниот производ претставува значаен чекор напред за козметичката и медицинската индустрија, бидејќи материјалот има подобри еластични својства отколку стандардните материјали (листови од силиконски гел и полиуретански филмови) кои денес се користат за лечење на рани. Може да се врати во првобитната состојба дури и откога ќе биде оптегната за повеќе од 250% (еластичноста на човечката кожа е 180%), а според направените студии, ја подобрува хидратацијата и еластичноста на кожата и може да се користи за „средување“ на подочниците.
Материјалот, кој што се нанесува во форма на две масти, моментално се развива за медицински и комерцијални апликации од страна на нова стартап, компанијата Olivo Laboratories.