Технологијата секојдневно станува сè помалa и помалa – од телефони, до телевизори и компјутери, новата технологија е сè полесна и по „микроскопска“.
Истото се однесува и на опремата која се изработува за медицинската индустрија, а доказ за тоа е и најновиот биосензор способен да детектира одредени типови на канцери и невродегенеративни болести.
Покрај тоа што е пренослив, има и нанометриска осетливост со чија помош може да детектираат молекули и во случај кога се присутни на многу ниско ниво во материјалот кој што се испитува.
Овој малечок електронски уред се состои од органски транзистор поставен на стаклена вага, изложен на течен медиум. Транзисторите се уреди со кои се регулира протокот на струјата и напонот, кои користат како еден вид на прекинувач или порта за електронски сигнали. Во зависност од архитектурата, транзисторите вообичаено се формирани од повеќе слоеви на разни материјали, но има и неконвенционални кои се изработени од само еден слој на материјал.
Во овој случај, транзисторот е направен од редуцирана форма на пептид глутатион (GSH). Ова соединение е познато по тоа што реагира со глутатион трансфераза (GST), ензим поврзан со болести како Паркинсоновата, Алцхајмеровата, како и ракот на дојката. Биосензорот, преку транзисторот ги користи овие GHS-GST реакции за да ја базира дијагнозата.
Тимот кој стои зад овој проект вели дека со едноставна замена на GSH со друго соединение осетливо на друг тип на молекули поврзани со одредени болести, уредот станува исклучително разноврстен бидејќи бројот на болести кои ќе може да ги открие не е лимитиран.