Лондонската стартап компанија Thriva направила домашен тест за крв за чие користење ќе биде доволна крвта што се зема со боцнување на прст.
Овој тест ќе им овозможи на пациентите да тестираат неколку крвни маркери, меѓу другото поврзани и со нивото на холестерол, како и тестови за функцијата на бубрезите и црниот дроб.
Thriva комплетот доаѓа со детални инструкции и неколку резервни ланцети во случај пациентот да има потешкотии со вадење на доволна количина крв. По (безболното) земање примерок по дома, корисникот ќе треба да го испрати по пошта до лабораторија која е партнер со Thriva за да бидат детално анализирани, од каде што ќе бидат upload-ирани/внесени на Thriva платформата каде што на располагање ќе биде детален извештај со препораки кои промени би требало да се направат (доколку воопшто треба) со цел да се подобри здравјето на конкретниот пациент.
Од компанијата велат дека тестот е дизајниран co цел да им помогне на луѓето какво влијание има нивниот стил на живот врз нивното тело и здравје. Понатаму, Thriva планираат да креираат комплети со кои што ќе можат да се тестираат нивото на енергија, недостатокот на витамин Д, и плодоста, како и корпоративен продукт кој фирмите би го нуделе на нивните вработени како дел од пакетот кој спаѓа во здравствената помош и осигурување.