Инженери од MIT развиле вакцина која што лесно може да се прилагодува според потребите и да биде произведена за само една недела, што ќе и овозможи многу полесна дистрибуција за време на епидемија. Истражувачите работеле на дизајнирање вакцини против Ебола, H1N1 грипот и Toxoplasma gondii – кога биле тестирани врз глувци, резултатот кај сите бил стопроцентна имунизација.
Вакцините се направени од RNA нишки (рибонуклеинска киселина присатна во сите живи клетки, чија улога е пренесување на инструкции од ДНК-то за контролирање на синтезата на протеините) кои можат да бидат дизајнирани за било кој вирусен, бактериски или паразитски протеин. Тие потоа се пакуваат во молекули кои RNA-то го транспортираат во клетки каде што нивното преминување во протеини предизвикува реакција од имунитетниот систем на „домаќинот“ во кој што се внесени.
Тимот одлучил RNA-то да го пакува во наночестички направени од дендример – предноста на користење на овој материјал е тоа што може да се модифицира за да се поврзе со RNA-то, а големината и структурата на финалната форма исто така може да се контролира.
Научниците веруваат дека овој тип на вакцини се многу побезбедни отколку ДНК вакцините кои моментално се користат и развиваат, бидејќи RNK-то не може да предизвика мутации.