Истражувачи од Northwestern University и University of Michigan сметаат дека откриле начин како би можеле да се излечат алергиите, а не само да се маскираат нивните симптоми со антихистаминици.
За да го разбереме „лекот“, прво мора да разбереме што всушност се алергиите. Тие настануваат кога телото има претерана реакција на одредени страни честички (наречени алергени), а не поради тоа што некои од алергените се (не)штетни за телото.
За да се излечи, телото мора да се „научи“ дека одредените храни или честички кои му предизвикуваат реакција се сосема безопасни. Обично тоа се прави со вбризгување на алергените директно во крвотокот, со надеж дека ќе стигнат до црниот дроб или слезината центри преку кои телото учи дека тие не можат да му наштетат и не реагира кога нареден пат ќе дојде во контакт со нив. Но често пати, телото ги напаѓа алергените пред да стигнат во овие центри, што предизвикува анафилакса, т.е алергиска реакција, што го спречува лекувањето на алергијата.
Сега, новите истражувања сугерираат дека можеме да го прелажеме телото да ги пропушта алергените и тоа со нивно премачкување со дискретни наночестички. Телото ваквите алергени ги гледа како бенигни честички прашина и ги пропушта до центрите за учење. Таму, тие се разградуваат и го ослободуваат алергенот, со што телото го разбива имунитетот кон нив.
Оваа техника на маскирање со наночестички има иднина што може да доведе до лечење на астмата и други автоимуни болести.