Протетика за пациенти со разни форми на деменција

Стартап компанијата Kernel е на пат да развие простетика за мозок која треба да им помогне на луѓето кои имаат проблеми со помнењето. Целната група ги вклучува оние кои боледуваат од Алцхајмеровата болест и останати форми на деменција, како и на жртвите на мозочен удар или оние со трауматски повреди на мозокот.

Доколку компанијата успее, хирурзите еден ден ќе можат да го имплантираат нивниот уред во регионот на мозокот познат како хипокампус. Таму, неговите електроди електрично ќе стимулираат одредени неврони за да им помогнат при вршење на нивната функција – претворање на информациите во долгорочни мемории.

Kernel-овиот уред ќе биде базиран на истражувачките напори на Ted Berger, директор на центарот за неврално инженерство од University of Southern California. Според неговите истражувања, при процесот на учење на нови работи и нивно енкодирање во меморијата, електродите во хипокампусот први ги примаат електричните сигнали од одредени неврони. Тој студирал како овие сигнали се асоцирани со учењето и како се трансформираат во сигнали асоцирани со складирање на тие информации во долгорочната меморија, а потоа неговата лабораторија изработила математички модели кои примале влезни сигнали (учење) и произведувале излезни (меморирање).

Протетиката би имала електроди за снимање на сигналите за време на фазата на учење, микропроцесор кој би ги вршел пресметувањта и електроди кои би ги стимулирале невроните да ја претворат таа информација во меморија.

Тестирања биле вршени врз глувци, но и врз одредени пациенти хоспитализирани поради епилепсија, со различни резултати. Кај глувците, истражувачите во меморијата пронашле значаен „заеднички код“, но ништо слично не било пронајдено кај луѓето. Една од причините за тоа е што глувците имаат околу 200 милиони неврони, додека таа бројка кај луѓето изнесува околу 86 билиони. Затоа, наредна цел е да се развијат импланти со поголем број на погусто распоредени електроди, кои би можеле да снимаат информации од повеќе неврони.