Светот има огромна потреба од технологија која би помагала раните да заздравуваат побрзо, особено на пациенти кои се подложни на компликации. Дијабетичарите на пример, кај кои и малечка рана може да им го загрози животот бидејќи може да не ја забележат/почуствуваат и истата да се инфицира, имаат отежнат процес на заздравување поради високото ниво на гликозата во крвта.
Одговорот за овие проблеми може да лежи во новиот завој кој го развиваат истражувачи од Northwestern University, чија студија објавена во Journal of Controlled Release е фокусирана токму на дијабетичарите.
За изработка на завојот се користи мешавина од полиетилен гликол и протеин SDF-1. Овој протеин е клучната состојка бидејќи ги тера околните матични клетки да ги репарираат крвните садови и ткива опфатени од раната, а истиот телото го користи и за репарирање на клетките во оштетените делови.
Доколку протеинот се стави директно врз раната тој нема да функционира како опишаното, бидејќи максималните резултати се постигнуваат кога тој постепено се испушта од завојот. Инаку, материјалите користени за негова изработка имаат антиоксидантни својства, и помагаат во справувањето со можните воспаленија и го редуцираат оксидативниот стрес. Завојот е осетлив на температура и кога се аплицира е во состојба слична на гел, на собна температура се зацврснува, а доколку се олади повторно е како гел. Ова ја спречува болката и дополнителното оштетување на раната предизвикано од лепилата во типичните завои.