Данска студија која беше спроведена врз лица кои преживеале мозочен удар покажа дека тие имаат значително поголеми шанси да добијат депресија, отколку лицата кои не претрпеле мозочен удар.
Првите три месеци по мозочниот удар, ризикот од депресија кај лицата кои го преживеале е 8 пати поголем отколку кај лицата кои не го преживеале мозочниот удар.
-Депресијата е премногу вообичаена кај лицата со историја на мозочен удар, а тие кои го преживеале се во особено ризична категорија, изјави Доктор Мерете Ослер од универзитетот во Копенхаген.
Ослер исто така додаде и дека голем дел од смртните случаи се препишани на депресијата по претрпениот мозочен удар, а дури на 25 % од пациентите им била дијагностицирана депресијата само 2 години по ударот.
Истражувањето кое беше направено беше објавено во онлајн изданието на JAMA Psychiatry. Повеќе од 30 милиони луѓе ширум светот имале мозочни удари од 2013-та година па наваму, а постојат дури 10 милиони кои ги преживеале. Голем дел од нив се борат со депресија.