Дел од проблемот за пронаоѓање на ефективен лек за обичната настинка/грип е што има премногу варијации кај главните причинители.
Меѓутоа, научниците сега нашле начин да таргетираат повеќе видови на грип во една вакцина која е изненадувачки лесна за производство.
Вакцината има измешано над 50 различни риновируси – вирални инфекции кои ги предизвикуваат настинките – во мешавина способна да се справи со сите нив.
Кога била тестирана врз глувци и мајмуни, истражувачите од Емори универзитетот откриле дека стимулирала антитела против сите типови на риновирус во неа, ефективно справувајќи се со повеќе закани истовремено.
Со вештачко внесување на голем распон на риновируси во телото, имунолошкиот систем е способен да спреми одбрана против истите нив, кога во него ќе навлезат по природен пат. Кај глувците била користена мешавина од 25, а кај мајмуните од 50 различни типови на неактивирани риновируси, а и во двата микса количината на протеини била еднаква.
Истраживањата кои следеле по вакцинирањето покажале дека антителата генерирани од вакцините биле способни да ги блокираат риновирусите и во човечките клетки, во лабораториски услови.
Нареден чекор е испитување на ефектите на вакцината врз доброволци, за да се знае нејзината ефективност, по што се надеваме би ни била на располагање на сите.