Развиена е првата генетска терапија против слепило предизвикано од наследна дистрофија на ретината, а на пазарот треба да се појави во почетокот на наредната година.
Филаделфиската компанија Spark Therapeutics ја претставила SPK-RPE65, генетска терапија која ги таргетира наследените мутации кои предизвикуваат слепило, а функционира така што нови клетки се инјектираат во пациентот преку 45 минутна процедура под анестезија
Слични генетски терапии, Strimvelis и Glybera се веќе на располагање во Европа, а втората сè уште не смее да се користи во САД бидејќи се потребни уште клинички тестови за да се докаже нејзината ефикасност.
Генетските терапии се контроверзни, особено по смртта на 18 годишен пациент во 1999-та година врз кој бил извршен третман за наследна метаболичка болест и кој починал поради јака имунолошка реакција на терапијата. Од компанијата Spark инсистираат дека ги имаат решено овие проблеми, и дека претходните неуспеси биле поради недоволно моделирање на терапијата преку тестирање врз животни, нешто кое што SPK-RPE65 го има поминато.
Оваа терапија била тестирана врз 29 скоро слепи пациенти, од кои дури 27 имале значително подобрување на функцијата на видот и тоа без никакви несакани ефекти.