Помалку од 5 години откога со помош на Human Genome Project-от се запишаа три милијарди букви од човечката ДНК, докторите и биолозите го објавија планот детално да се мапира секоја клетка во човечкото тело, во висока дефиниција, со цел за остварување на проектот наречен “Атлас на човечките клетки“.
Поголемиот дел од нашето знаење во врска со човечките клетки доаѓа од нивното студирање под микроскоп, а некои скорешни проекти на ова поле се занимавале со анализирање на групи на клетки со цел да се одредат нивните просечни карактеристики.
Атласот ќе овозможи уште повеќе информации користејќи го напредокот на технологијата во едноклеточната генетика, т.е онаа која се занимава со истражување на секоја индивидуална клетка. Со оваа технологија, истражувачите ќе можат да ги видат деталите кои на секоја клетка и даваат уникатен идентитет (како што се RNA пораките).
Моментално, науката е лимитирана со разбирањето како клетките се разликуваат од орган до орган, а дури не се ни знае колку точно типови на клетки има човечкото тело. Новиот Атлас е почеток на нова ера на клеточното истражување и разбирање, и ќе биде клучен за откривање на тајните на сопствените тела.
Знаејќи како точно изгледа здравото човечко тело на нај базично ниво, ќе можеме подобро да ги идентификуваме и анализираме варијациите на клетките кои доаѓаат со разните болести и стареењето.