Во 2000-та, Обединетите Нации го воспоставија вакцинирањето против мали сипаници како индикатор за прогресот на Millennium Development Goal проектот за редуцирање на смртноста кај децата за две третини, до 2015-та.
Сега, извештаите на Светската здравствена организација и UNICEF покажуваат дека во периодот од 2000 до 2015, покривањето на населението со MCV1 (првата доза од вакцината) е зголемено од 72% НА 85%, а заболувањето со малите сипаници е намаленo- на секои милион луѓе, во 2015 заболени биле само 50, наместо 146 луѓе како во 2000-та.
Според ова, над 20 милиони животи се спасени во овој 15 годишен период, благодарејќи на вакцината. Ова е огромен напредок, земајќи в предвид дека 2.6 милиони луѓе умирале од малите сипаници секоја година во 1980-тите.
Лошата вест е што во 2015-та, околу 134 200 деца биле убиени од оваа болест, благодарејќи на опасниот тренд со дезинформации и одбивање на родителите да ги вакцинираат своите деца бидејќи се уште веруваат во одамна докажано ненаучната и неоснована теорија дека вакцините предизвикуваат аутизам.
Неоспорно е дека вакцините спасуваат животи и нивното елиминирање од модерното општество може да има катастрофални последици. Вариола сипаниците беа смртоносна болест која земаше 2 милиони животи годишно во 1967, а благодарејќи на вакцините, денес таа е комплетно искоренета и може да се најде исклучиво во лабораторија. Истата судбина ги чека и малите сипаници, доколку целиот свет е имунизиран.