Обилното крвавење е опасна компликација кај гастроинтестиналните и невролошките болести, како и кај сериозните повреди.
Една метода за запирање на гастроинтестиналното крвавење е користење на малечки метални калеми кои го поттикнуваат згрутчувањето на крвта, меѓутоа оваа метода е проблематична за пациентите кои се на медикаменти кои ја разредуваат крвта, или за оние чии тела природно не ја згрутчуваат.
Биоинженери од Brigham and Women's Hospital: Boston Hospital & Medical Center развиле биоматеријал кој може да се инјектира (на пример, преку катетер) и да ја задржи својата форма додека е внатре во крвен сад, за да спречи крварење – дури и кај пациенти чија крв не може самата да се згрутчи.
Се работи за хидрогел познат како STB (shear-thinning biomaterial), кој има конзистентност како паста за заби. Направен е од желатин и наноматеријали, а преку тестирањата врз глувци и свињи, истражувачите демонстрирале дека оние кои биле инјектирани со STB го задржувале стабилен крвниот притисок, а материјалот останувал на посакуваната локација во телото, и самиот се распаѓал со тек на време. Покрај ова, хидрогелот ги поттикнувал крвните клетки да мигрираат до местото на инјектирањето и да помогнат во запирањето на крвавењето.
Тимот истражувачи се надева дека наскоро ќе започнат и клинички тестирања врз луѓе, што е многу веројатно дека ќе биде одобрено бидејќи компонентите од кои што STB е направен веќе успешно се користеле во луѓе.