Минатата година, италијанскиот хирург Серџио Канаверо најави дека ќе ја изведе првата трансплантација на глава врз Валери Спиридонов, Русин кој боледува од мускулна атрофија, во 2017-та. Тој се надева дека доколку му дозволат, операцијата ќе ја изведе во Велика Британија.
Од друга страна, пак, Хант Батјер, претседател на Американската асоцијација на неврохирурзи, вели дека дури и да процедурата успее, Спиридонов може да се соочи со нешто далеку полошо отколку смртта, поради менталните последици предизвикани од трансплантацијата.
Канаверо веќе има тим од хирурзи кои би биле дел од операцијата, вкучувајќи го и контроверзниот кинески хирург Рен Џиапинг кој има извршено трансплантација на глави на околу 1000 глувци – од кои ниеден не преживеал повеќе од неколку минути.
Сега, на конференција за хирурзи во Шкотска, Канаверо открил VR систем кој треба да му помогне на пациентот да се навикне на неочекуваните психолошки реакции по трансплантацијата.
Овој систем со виртуелна реалност е развиен од фирмата Inventum Bioengineering Technologies, и е дизајниран со цел да припреми некого за гледање во огледало и перцепирање на нечие туѓо тело, наместо своето.
Но сепак, никаков VR систем не може да припреми некого за неверојатните хемиски реакции кои би се случувале во мозокот по една ваква трансплантација, бидејќи постојат премногу врски кои треба да се направат помеѓу телото и главата.
Експертите велат дека доколку со некое чудо трансплантацијата успее, наглата промена во хемијата на мозокот кај пациентот ќе предизвика ниво на лудило кое никогаш досега не е видено.