Човештвото се бори против ХИВ вирусот веќе над 5 декади. Долгата и тешка борба против смртоносниот вирус достигна важна пресвртница минатата година кога ХИВ престана да се смета како неизлечива болест, а оваа година можеби сме најблиску до сега за конечно да се запре пандемијата која што е ХИВ.
Човечки тестирања за вакцината позната како HVTN 702 започнаа овој ноември за 5400 сексуално активни мажи и жени од Јужна Африка, на возраст помеѓу 18 и 35 години, и ќе траат 24 до 36 месеци. HVTN 702 е модифицирана верзија на претходно тестирана вакцина RV144, која е значително подобрена и изменета да ја таргетира ХИВ нишката вообичаена за Јужна Африка.
Според Ентони Фоси, директорот на националниот институт за алергија и инфективни заболувања (NAID), доколку оваа вакцина се употребува заедно со останатите други алатки за превенција на ХИВ, таа може да претставува „финална шајка“ во ковчегот на оваа болест.
Со ХИВ/СИДА се заболени околу 36.7 милиони луѓе низ целиот свет, а болеста убива над 1 милион секоја година. Само во Африка, со ХИВ се инфицираат над 1000 луѓе секој ден.
Истражувачите очекуваат резултатите од студијата да ги добијат доцна во 2020-та, по што ќе се знае ефикасноста на најновата, 7-ма по ред вакцина, која е употребена во тестирања врз луѓе.