Кога нискиот крвен притисок станува проблем?

Иако постои некое врежано мислење дека оние кои имаат низок крвен притисок, живеат подолго, сè почесто се среќаваме со предупредување како е опасен и нискиот притисок под 120mmHg и дека нема никакви предности за здравјето на кардиоваскуларниот состав. Овој притисок е виновен за повеќе болести меѓу кои и болести на срцевиот мускул, сепса и анафилактички реакции.

Кои се симптомите на нискиот притисок?

До сега нема некои научни докази дека ниската вредност на притисокот доведува до болести на срцето или го скратува животниот век, а исто така не е јасен ни одговорот која е дефиницијата за нискиот крвен притисок. На пример, кај пациентите кои со години боледуваат од висок притисок, со вредност околу 200mmHg, а со лековите наеднаш им се спушта на притисок од 150mmHg, може да се појават симптоми на низок крвен притисок, односно замор, поспаност и вртоглавица.

Постојат три категории на низок крвен притисок:

• Во првата спаѓаат здравите луѓе кои генетски имаат ниска вредност на притисок (90/60mmHg) и тој притисок не се лекува, иако може да се соочуваат со некои симптоми. Во тој случај им се препорачува добра хидратација и поголемо внесување на сол.

• Втората категорија се пациентите со болести кои не го опфаќаат срцето, а имаат низок притисок. Овие пациенти може да се лекуваат лесно со некои хормонски лекови кај болести на надбубрежната жлезда или со некои други одредени препораки, па со лекувањето на болеста со која се соочуваат, да се нормализира и состојбата на притисокот.
• Во третата категорија спаѓаат оние со т.н. „слабо“ срце. Срцето е мускул кој пумпа и создава притисок на крвта, а ако ослаби, како последица има ниска вредност на притисокот. Таквите болести се тешки да се лекуваат, особено поради фактот дека повеќето лекови предизвикуваат намалување на притисокот. Но, во такви случаи доминантни се симптомите на самото попуштање на срцето, а ниската вредност на притисокот претставува помал проблем.