Третман за трансплантација базиран на матични клетки наскоро може да започне да се тестира врз луѓе со сериозни проблеми на видот, по успешните тестови изведувани врз глувци.
Методата со чија помош се повратила визуелната функција кај половината од глувците кои биле во крајниот стадиум на ретинална дегенерација, вклучува трансплантација на ретинално ткиво создадено од глувчешки плурипотентни матични клетки (iPSC), во мрежницата на заболените глувци.
Со цел да се креира ова ткиво, истражувачите прво генетски ги репрограмирале кожните клетки земени од возрасен глушец во ембрионски матични клетки, пред да бидат конвертирани во ретинално ткиво. Кога биле трансплантирани во глувците со ретинална дегенерација во краен стадиум, ова ново ткиво формирало фоторецептори кои создале директен контакт со околните клетки во мрежницата.
На овој начин се повратил видот кај половината од глувците врз кои бил направен третманот, а истражувачкиот тим од RIKEN центарот за развојна биологија во Јапонија сега ја тестира способноста овие резултати да се реплицираат користејќи ткиво создадено од човечки клетки.