Менопаузата за жените е точка од која нема враќање и до скоро нејзините ефекти се сметаа за неповратни. На почетокот од 2016, тим експерти успеал да пронајде начин да ги подмлади јајниците во пост-менопаузата, а сега, по неколкумесечни предклинички тестови, експерти од Genesis Health Clinic во Атина ќе ги започнат првите клинички тестови на оваа метода.
Техниката користи инјекции со плазма богата со плателети (PRP – Platelet Rich Plasma), но за разлика од другите PRP трансфузии, оваа не побарува донор. PRP-ата се добиени со центрифугирање на примерок од крвта на пациентот, со цел да се изолираат факторите за растење, а техниката нуди надеж за жените во менопауза дека би можеле да забременат со помош на нивниот сопствен генетски материјал.
Предклиничките тестови од мај 2016 покажале значајни резултати – PRP-то на жените во менупауза им ги „подмладило“ јајниците, со што им се повратила плодноста, а некои од нив дури и забремениле по третманот. Седумдесет и пет проценти од 60 жени кои биле дел од тестирањата биле способни за зачнување преку природен пат или in-vitro, а 9 од нив и забремениле. Повеќе од 75% покажале покачување на нивоата на хормоните еднакви на оние во младоста – што на некој начин буквално ги подмладило.
Тоа значи дека методава не само што ја враќа плодноста кај жените, туку и елиминира многу од негативните ефекти поврзани со менопаузата.
Целта на новите истражувања ќе биде да се утврди дали ова подмладување е постојано и дали е навистина пронајдена поврзаноста помеѓу губитокот на плодноста и штетните ефекти кои стареењето ги има врз телото.
Клиничките тестирања ќе започнат во февруари 2017 во Грција и во јуни во САД.