Според Светската здравствена организација, преголемата тежина е една од најзастапените здравствени состојби во светот – таа влијае на повеќе од 600 милиони возрасни лица, и околу 41 милиони деца помали од 5 години. Од овие, 29 милиони се во САД.
Последиците од преголемата тежина се сериозни – болести на срцето, одредени типови на канцер, тип 2 дијабетес, и ризик од срцев и мозочен удар.
Сега, истражувачи од Католичкиот универзитет во Луваин, Белгија, сметаат дека пронашле начин да го сопрат развивањето на тежината и тип 2 дијабетесот кај луѓето, користејќи скоро откриен протеин.
Истражувачи од Институтот за истражување на лекови во Луваин и од Вилем де Вос универзитетот во Холандија веќе 10 години истражувале бактериум наречен Akkermansia muciniphila, кој бил пронаоѓан во мали количини кај дебелите глувци. Третирањето на овие глувци со бактеријата се покажало дека имало повратен ефект врз неколку метаболички пореметувања кои влијаеле на дебелината.
Од 2015-та, третман со оваа бактерија е започнат кај луѓето – сега засега се знае дека тој не е воопшто штетен (бидејќи се работи за вообичаена бактерија која се наоѓа во стомакот), но е потребен период додека детално се испитаат ефектите.
Во меѓувреме, научниците откриле дека пастеризацијата имала многу позитивен ефект на бактеријата – таа го зголемувала нејзиниот капацитет да го редуцира развивањето на масно ткиво, отпорност на инсулин и дислипидемиа (зголемување на ниво на холестерол и триглицериди) кај глувците.
Пастеризацијата, всушност, го правела бактериумот поефективен бидејќи убивала сè во него освен генетски создадената верзија на протеинот наречен Amuc_1100. Кога бил тестиран кај глувците, овој протеин се покажал како добар за имунолошкиот систем, блокирајќи ги токсините да навлезат во крвотокот, а га зголемувал и цревниот имунитет.
Протеинот е клучот како бактеријата успешно се бори со дебелината кај глувците, а во блиска иднина се очекува истите резултати да се покажат и кај луѓето.