Истражувачи откриле состојка која успешно ја убива бактеријата MRSA (метицилин резистентен стафилокок) која е мутирана нишка од бактеријата стафилокока која има развиено отпорност на најраспространетите антибиотици кои се користат за ваков тип на инфекции.
Инфекцијата од бактеријата може лесно да биде пренесена преку контакт со кожата и да предизвика симптоми како треска и плускавци исполнети со гној, а често пати е и опасна по живот. Американскиот центар за контрола на болести вели дека годишно во САД околу 80 000 луѓе се дијагностицирани со MRSA, а 11 000 умираат.
Состојката е наречена „дарвинолид“ и ја произведува антарктичкиот морски сунѓер Dendrilla membranosa, а убива 98.4% од MRSA клетките.
Лабораториски тестови покажале дека таа има уникатна структура која и дозволува да пенетрира во инаку непробојниот „биофилм“ кој MRSA го користи да се заштити од антибиотиците.
Тимот истражувачи ќе работи на начини состојката да се синтетизира во лабораториски услови, бидејќи екстремните услови на Антарктикот не дозволуваат нејзина екстракција од живите