Компанија од Њуjорк најавила дека ќе користи нова технологија која сериозно ќе може да го промени начинот на кој што луѓето гледаат на замрзнувањето на нивните јајце клетки, т.е ќе им даде надеж дека скапата процедура дефинитивно ќе се исплаќа.
Новата методологија наречена Cryotec метода е развиена во Јапонија, а сега за првпат почнала да се користи во САД. Она што ја прави специјална е фактот што процентот на јајце клетки кои преживуваат е скоро 100% (поточно 97.17%), што значи дека најверојатно сите јајца кои ќе бидат замрзнати, ќе преживеат.
Пред успехот на оваа метода, шансите за преживување со други методи на замрзнување варирале од околу 75%, што значи дека за загарантирани 7 преживеани јајца, треба да се замрзнат 10.
Некои јајца дури не го преживуваат ни процесот на замрзнување бидејќи во нив се појавуваат интерклеточни ледени кристали кои ги оштетуваат ооцитите (клетките во јајниците). Според соопштението за медиумите од Cryotec, нивната технологија лади многу побргу, што го отежнува, т.е практично оневозможува ова оштетување.