Од ден на ден, технологијата сè повеќе го менува светот. Сепак, некои идеи сè уште звучат премногу футуристички дури и за оние кои имаат широки погледи.
Студентите од Artez Product Design Arnhem развија мошне провокативен концепт за одгледување на бебиња во вештачка матка. Истиот треба да биде идеално решение за сите оние парови кои не можат да имаат деца по природен пат, па се потрага по сурогат мајка која ќе треба да го носи нивниот плод.
Par-tu-ri-ent е посебно направен инкубатор кој може да биде поставен во дневната соба. Изработен е на таков начин, што родителите ќе можат да го следат развојот на својот фетус во секоја фаза, а воедно и да комуницираат со него.
Иако станува збор само за концепт, кој сигурно нема да се оствари во блиска иднина, самата идејата покренува многу прашања во однос на биотехнологијата и био дизајнот.
Каква ли само ќе биде еволуцијата на човечката раса со развојот на технологијата?