Истражувачи од универзитетот во Лидс и Avacta Life Sciences развиле нова алатка за студирање на биолошките молекули и процеси, која би можела да ги замени животинските антитела.
Овие т.н „Affirmer” протеини можат цврсто да се сврзат за молекулите, исто како што тоа го прават животинските антитела, овозможувајќи им на научниците одблиску да ги студираат молекулите.
Овие протеини имаат дополнителни предности кои ги прават супериорни во однос на животинските антитела – тие се помали, по робустни, потребно е помалку време за да се произведат и полесно се модифицираат за различни апликации.
Истражувачкиот тим покажал дека оваа “Affirmer” технологија била успешна, продуцирајќи резултати во голем број на различни рутински процедури кои биле слични во квалитетот со оние кога биле користени антитела. Дополнително, поради малите димензии, резултатите биле супериорни за новата микроскопска техника во супер-резолуција – малечката големина на сврзувачкиот протеин им овозможила на научниците да го набљудуваат однесувањето на индивидуалните молекули одблиску.
Во споредба со животинските антитела, “Affirmer” протеините покажале уште една супериорност – подобрена стабилност и флексибилност.
Инаку, антителата се реакции кои резултираат кога било кое туѓо кое го напаѓа животното на молекуларно ниво. Животинските клетки произведуваат големи, комплексни протеини чија структура им дозволува да ги лоцираат и набљудуваат што туѓите тела – од вируси и бактерии до едноставни молекули – прават во внатрешноста на клетките.
За да се студира специфичен молекул, научниците можат да креираат антитела преку негово инјектирање во животно и чекање животинското тело да почне да ги произведува. Потоа, истражувачите можат да ги екстрахираат од крвта и да ги прочистат пред да ги користат како алатки и во тестови за дијагностицирање.
Ова ново истражување докажало дека постои технологија која би можела комплетно да ги изземе животните од овој процес и да даде поверодостојни резултати.