Криониката е процес на замрзнување на мртво тело (или само мозок) со надеж дека еден ден ќе може да се оживее.
Оваа метода е субјект на сериозни научни истражувања и студии, како и на разни псевдонаучни и митолошки приказни. Во врска со неа има и многу шпекулации, како невистинитите гласини дека Волт Дизни е замрзнат, кои фрлаат шпекулативна сенка на ова поле на криониката.
Сега, за прв пат, во Кина една жена е криогенски замрзната. Таа починала на 49 годишна возраст од рак на белите дробови, а нејзиниот сопруг ја пријавил како доброволец за криогенската процедура. И двајцата сакале нејзиното тело да го донираат на науката, а тој ја предложил идејата за замрзнување.
Процедурата бил комплетирана во Yinfeng Biological Group во Јинан, а се состоела од потопување на нејзиното тело со главата надолу во 2000 литри течен азот. Овој проект бил колаборација помеѓу Yinfeng Biological Group, Шандонг Универзитетот при болницата Куилу, и консултанти од Alcor Life Extension Foundation, непрофитна криогенска компанија од САД.
Останува прашањето, колку е научно возможен еден ваков проект? Дали се работи само за експеримент со кој подобро можеме да ја се запознаеме со човечката биологија, или оваа процедура еден ден навистина може да биде изводлива и ефективна?
Во криониката, сè е во правилниот тајминг. Телата на починатите треба да се замрзнат веднаш штом срцето престане да чука, иако поимот „замрзнување“ е малку погрешен термин за процедурата. Криогенското замрзнување го избегнува формирањето на кристални формации кои ги оштетуваат клетките на ткивата. Затоа, се користи хемиски коктел од презервативи како глицерот или пропандиол, како и антифриз агенти кои го одржуваат телото во стабилна состојба за да не се распаѓа и да претрпува оштетувања додека се чува на ниски температури долг временски период.
Целта на криогенската конзервација е еден ден телата да се одмрзнат и реанимираат на целуларно ниво – без премногу епигенетски промени.
Со сегашното знаење и технологија, овој процес на целосно оживување сè уште не е возможен – што не значи дека со напредувањето на технологија тоа еден ден нема навистина да биде остварливо.