Научниците дошле до ново откритие во потрагата по лек за искоренување на обичната настинка еднаш засекогаш, а се работи за вообичаена биохемикалија која ја имаат луѓето и некои животни.
Тим научници од Единбург Непер универзитетот 5 години истражувале хемикалии кои имале антимикробни ефекти, поточно оние способни да се борат против риновирусот – најчестиот вирусен инфективен агенс кај луѓето и причината за обичната настинка.
Фокус на нивната работа биле пептидите, за кои со претходно истражување на истиот тим било утврдено дека го спречуваат ширењето на „инфлуенца А“ вирусот, како и дека овие биохемикалии можат да ја подобрат отпорноста кон инфекции од т.н „супербубачки“ кај животните.
Базирајќи ги нивните дизајни според одредени пептиди кои ги има кај овците и свињите, тимот синтетизирал сопствени пептиди компатибилни со човечките клетки. Потоа, нив ги тестирале против риновирусот и било заклучено дека не само што ја блокирале неговата патека во организмот, туку и физички го напаѓале пред и по инфицирањето.
Иако ова е само доказ дека концептот функционира, клиничките тестирања се сè уште далеку.
Вреди да се спомене дека постојат околу 99 вида на човечки риновируси, сите со различни патологии, а оваа студија го истражува влијанието на пептидите само на една од нив – руновирусната нишка 1B(RV1B).
Сите човечки риновируси се слични меѓу себе, па така постои голема шанса дека истата метода ќе функционира и кај останатите – што секако треба дополнително да се истражи.