Истражувачи од медицинската школа при универзитетот Емори откриле дека индол, молекул произведен од комензалните бактерии, на индиректен начин го продолжува животниот век кај глувците, одредени црви и овошни муви.
Било откриено дека индолите имаат способност да ги запрат вообичаените знаци на стареење, како што е губитокот на тежина и редуциран опсег на движења, што како резултат им дозволувало на животните да се движат и хранат без тоа да влијае на нивните стари тела.
Со набљудување на процесите кои се одвиваат внатре во животинските тела на молекуларно ниво, можеме подобро да ги разбереме некои од најосновните животни процеси. Луѓето отсекогаш барале начини да ги повратат ефектите од процесот на стареење, а модерната технологија денес нуди можности кои ветуваат. Помеѓу криогенското замрзнување и идејата за користење на вештачка интелигенција за да се оствари бесмртноста, постојат и многу други идеи кои претежно би биле финансиски невозможни за повеќето луѓе.
Вистинскиот вид на бактерии би можел да овозможи создавање на пристапна метода која би ги спречувала последиците од стареењето, а тимот кој стои зад ова истражување се надева дека резултатите ќе бидат релевантни и кога слични тестови некогаш ќе можат да се изведат и врз луѓе.
Како и да е, лекот против стареење е сè уште далеку, но надежта дека некогаш ќе може да се развие е сè поголема.