Тим истражувачи работат на искористување на моќта на нашите тела да произведуваат енергија, користејќи генератори внатре во крвотокот.
Тимот од универзитетот Фудан во Кина развиле лесен генератор кој крвта која тече во крвните садови може да ја претвори во електрицитет.
Тоа е постигнато со влакна направени од јаглеродни наноцевки, кои се електроактивни. Во тестовите, овие влакна наречени FFNG (fiber-shaped fluidic nanogenerator / влакнести флуидни наногенератори) биле закачени за електроди и потопени во течност која го имитирала крвотокот. Според истражувачите, се создал електрицитет од движењата помеѓу FFNG и течноста.
За овој проект тие биле инспирирани од концептот кој стои зад хидро енергијата, кој користи вода или пареа за движење на турбини и генерирање електрицитет. Во споредба со тоа, електрицитетот произведен од крвотокот не би бил зависен од времето, како што се зависни соларната и енергијата произведена од ветрот.
Ваквата технологија би можела да се користи за генерирање електрицитет за интерни медицински уреди како песмејкери, а материјалот би можел да се сошива во ткаенини со што би се создале облеки кои можат да користат и како извор на енергија.