Истражувачи од WIOV (Wuhan Institute of Virology/Вухан институт за вирусологија) од кинеската академија на науките работат на вакцина која би помогнала во спречувањето на расипувањето на забите.
Тимот истражувачи тестирал фузија од протеини кои го спречуваат развивањето на забниот кариес. Подобро познати како забни шуплини, кариесот е предизвикан од бактеријата Streptococcus mutans (S.mutans).
Во претходни студии, кинеските истражувачи се обиделе да создадат заштита против кариесот со спојување на rPac протеини на S.mutans со C-terminal, дерифат од flagellin (KF) протеините од бактеријата E.coli. Иако заштитувала од кариес, оваа мешавина од протеини имала несакани ефекти кои вклучувале и воспалувањa.
Сега, тие развиле втора генерација од оваа мешавина која била тестирана врз глувци во вид на прототип на вакцина која била испорачувана преку носната шуплина. Резултатите покажале дека усовршената и подобрена комбинација протеини нудела висок степен на заштита од кариес, со многу помалку несакани ефекти.
Сепак, оваа вакцина не е замена за секојдневната грижа за забите. Иако таа би помогнала тие да останат здрави, не значи дека оние кои ќе ја примат треба да престанат да ги чистат забите со четка или конец, како и да го одржуваат здравјето на непцата.