Маларијата и денес одзема животи – во 2015, имало околу 212 милиони заболени низ светот, и околу 429 000 смртни случаи, а болеста која е предизвикана од паразит кој живее во стомакот на комарците и ги инфицира луѓето преку нивниот убод, сè повеќе е станата отпорна на лекови.
Сега, две студии го илустрираат потенцијалот на генетскиот инженеринг во борба против маларијата, а биле направени во институтот за истражување на маларија при Џон Хопкинс универзитетот.
Првата студија се фокусирала на тоа дали комарците кои се генетски модифицирани да се поотпорни на паразитот стануваат послаби и помалку способни да се парат и размножуваат, бидејќи е важно тие да се фит за да ја пренесат модификацијата на идните генерации.
Резултатите биле одлични – не само што тие добро се размножувале, туку и биле попривлечни за нормалните комарци. Во една генерација, популацијата на комарци станала 90% генетски модифицирана, што значи дека во идина, за да се редуцира маларијата во тешко достапните области во Африка и Азија ќе биде доволно да се ослободат такви комарци кои ќе го шират нивниот имунитет.
Втората студија користи генетско модифицирање на бактеријата во стомаците на комарците за да се бори против маларијата, со тоа што испуштала супстанца која го убива паразитот кој ја предизвикува болеста пред доволно да се развие.
Оваа бактерија исто така автоматски се пренесувала од генерација на генерација. Следен чекор и за двата пристапи ќе биде да се тестираат во услови слични на природните, а не само во лабораторија.