Никој не ужива во примањето инјекции, особено кога е потребно да се примат повеќе од една. Моментално, не постои начин да се избегнат дополнителни боцкања кога се работи за алергии, дијабетес и сл. Сепак, наскоро тоа може да се промени со новата технологија која се развива од страна на истражувачите од MIT, со која ќе може да се примат повеќе дози на лекови со само една инјекција.
Истражувачите измислиле нова метода за 3D фабрикација, инспирирана од производствениот процес за компјутерските чипови, која развива честички кои го носат лекот во облик на чашки. Честичките се направени од биокомпактибилен полимер наречен PLGA, кој е одобрен од FDA и е дизајниран да се распаѓа во различни интервали за да ги ослободува дозите лекови во различно време.
Во лабораториските тестови врз глувци, успешно биле испорачани лекови во интервали од 9, 29 и 41 ден после инјекцијата.
Истражувачите очекуваат оваа метода да биде исклучително корисна во земјите во развивање, кои имаат ограничен пристап кон вакцините, кои треба да се примаат неколку пати за да правилно се развие имунитетот према одреден патоген.
Сега, предизвикот е да се пронајде начин сите овие вакцини да се стабилизираат во телото на повисоки температури, бидејќи вообичаено тие се чуваат во фрижидери.