Конвенционалните методи за трансплантација на срцето побаруваат донираниот орган да стигне до примателот за неколку часа откога е отстранет. Сега, научници од универзитетот Лунд во Шведска ова време го продолжиле на најмалку 12 часа, а можеби и на неколку дена.
Новата метода вклучува малечка машина со функција на бели дробови која во срцето пумпа раствор со кислород кој содржи витални супстанци. Тестирањето вршено врз животински срца покажало дека уредот можел да го сочува срцето до 24 часа, а минатиот месец тој бил употребен за складирање на човечко срце во период од 3 часа пред тоа да биде трансплантирано.
Доколку наредните 5 теста од по 3 часа се успешни, истражувачите планираат постепено да го зголемуваат тој период до 24 часа.
Според статистиките, скоро 4000 пациенти само во САД чекаат срце, но поради краткиот период на одржливоста на органите, донациите на се лимитирани во блиската околина на пациентот кој треба да го прими.
Оваа нова метода би ги зголемила можностите за размена на органи помеѓу различни земји кои се наоѓаат далеку една од друга (како помеѓу Европа и САД), а во иднина би се развивале и слични уреди и за другите органи.