Според центрите за контрола и превенција на болестите, скоро 6 милиони луѓе во САД живеат со срцева слабост, од кои половината од нив се очекува да умрат 5 години по нивната дијагноза.
Годинава, Англија имплементирала нова програма која користи срца од донори за помош на оние кои боледуваат од срцева слабост, а во октомври беше објавена веста дека научници успеале да ја излечат оваа состојба кај глувците.
Во 2018 ќе започнат првите човечки тестови за нов третман на биотехнолошката компанија Celladon кој првпат неуспешно бил тестиран во 2015, а денес е усовршен и вклучува терапија со гени која успешно била тестирана врз свињи.
Тимот истражувачи од оваа компанија третирале 13 свињи со тешка срцева слабост: на 6 им била дадена терапијата со гени, додека останатите 7 добиле плацебо лек. Оние кои го добиле вистинскиот лек имале намалена срцева слабост за 25% во левата комора, и 20% во левиот атриум – овие локации се важни бидејќи повеќето луѓе кои го имаат ова заболување имаат проблеми со левата срцева комора.
Срцата на свињите исто така се намалиле за 10%, како резултат на терапијата која во телото внесува ген кој го контролира протеинот фосфатаза-1. Кај пациентите со срцева слабост, овој протеин го има во големи количини, што ги отежнува контракциите на срцето.
Крајната цел доколку тестирањето врз луѓето се покаже подеднакво успешно е да се создаде третман за напредната срцева слабост кој би ја лечел со само една инјекција.