Научници од универзитетот Абердин тврдат дека лек кој се користи како третман за рак на дојка и дијабетес исто така може да ги топи маснотиите во артериите.
Во студија врз глувци, научниците откриле дека една доза од лекот Тродускумин ги елиминира ефектите на артеросклерозата, болест која предизвикува разни срцеви проблеми.
Сите ние имаме некој степен на артериосклероза, која може да предизвика срцеви и мозочни удари, а е огромен проблем кај луѓето кои имаат преголема телесна тежина или разни кардиоваскуларни пореметувања. Таа предизвикува таложење на маснотии во артериите кои со тек на времето се зголемуваат, сè додека артериите не станат претесни и протокот на крв низ нив е оневозможен.
Глувците кои биле третирани со единечна доза Тродускумин по одреден период имале помалку масни наслаги во артериите, а причината за тоа е што лекот го стопира ензимот PTP1B кој е поприсутен кај луѓето со преголема дебелина или дијабетес.
Било откриено и дека лекот го стимулира протеинот AMPK, кој ги намалува хроничните воспалувања и ги имитира ефектите предизвикани од физичката активност т.е вежбањето.
Истражувањата сега засега се направени само врз глувци, но научниците се надеваат дека наскоро ќе може да тестираат дали лекот го има истиот ефект и врз луѓето.